O Museo Nacional de Anestesia naceu en 1981 coa intención de recuperar o valioso material disperso en diversos centros sanitarios de Galicia, permanecendo desde o ano 2001 na facultade de medicina da Universidade de Santiago de Compostela. Neste tempo ampliou notablemente os seus fondos e consolidouse como centro de referencia internacional. É o único museo do seu xénero en España e o segundo máis antigo de Europa. Con esta publicación preténdese dar a coñecer a historia e a evolución da anestesia e a cirurxía durante os séculos XIX e XX.