Galego
Español
O Consorcio de Santiago participa no proxecto europeo “AtlaS-WH”, centrado na sostibilidade das Cidades Patrimonio da Humanidade incluídas na Área Atlántica. O papel de Santiago centrarase en estudar os plans estratéxicos e o planeamento urbano de cada unha das cidades participantes nesta iniciativa. Este estudo previo servirá de punto de partida para crear a metodoloxía para o Modelo de Sostibilidade e Gobernabilidade de sitios Patrimonio Mundial na Área Atlántica.
Invitación á sesión pública do 4º encontro internacional do proxecto AtlaS.WH. Vaise presentar o documento que dibuxa a metodoloxía para a redacción de planes de xestión sustentable das ciudades Patrimonio da Humanidade, a partir dos retos: gobernanza, turismo, poboación.
O proxecto europeo AtlaS.WH destaca o centro histórico de Santiago de Compostela como unha das áreas urbanas máis fermosas do mundo. Neste vídeo proponse un percorrido pola antiga muralla que rodeaba a cidade.
Proxecto Effesus
O Consorcio de Santiago é un dos 23 socios do proxecto Effesus "Eficiencia enerxética para a sustentabilidade dos centros históricos europeos", da Unión Europea. Ademais da súa experiencia nos procesos de recuperación física e cultural da cidade histórica de Santiago, o Consorcio participa co estudo titulado "Enerxía e medioambiente para a habitabilidade en Santiago de Compostela" e representa a cidade histórica de Santiago de Compostela, como un do sete casos de estudo do programa.
COMPOSTELA REHABILITA CON ENERXÍA! Laboratorio Urbano da Enerxía e Talleres Participativos
No marco do Proxecto Effesus, o Consorcio de Santiago celebrou en maio de 2016 varios talleres para que os cidadáns mellorasen a xestión enerxética nas súas vivendas. Programáronse conferencias, talleres didácticos para nenos e consultas personalizadas dos cidadáns con expertos neste eido.
Programa FASUDIR
O Consorcio de Santiago é un dos 11 socios membros do proxecto europeo FASUDIR, cuxo obxectivo é crear unha ferramenta que facilite a toma de decisións á hora de levar a cabo a rehabilitación enerxética dun barrio ou distrito. A cidade de Santiago, xunto con Munich e Budapest, foron seleccionadas pola UE para que as súas actuacións en materia de rehabilitación sirvan de modelo para outras actuacións a nivel europeo.
Consultar publicacións do proxecto FASUDIR