Estudo introdutorio de Arantxa Fuentes Ríos.

Victoriano García Martí (A Pobra do Caramiñal, 1881-Santiago de Compostela, 1966) é unha figura lamentablemente esquecida pola historia da literatura e do pensamento. Amigo persoal de Valle-Inclán, voz reivindicativa do legado de Rosalía Castro, foi tamén un pioneiro na defensa do turismo como fonte de riqueza cultural. O presente volume reúne, por primeira vez en libro, sesenta artigos escritos por García Martí entre 1914 e 1963, un período onde a Guerra Civil e a posterior ditadura marcarán profundamente a vida e a obra do autor.